Քիթ Հարինգթոնը «Գահերի խաղը» սերիալի միակ դերասանն է, ով առաջադրվել է «Ոսկե գլոբուսի»: «Չէի սպասում, որ կնոմինացվեմ: Կարծում էի՝ սերիալն է ներկայացվել մրցանակի»,- հայտնել է դերասանը և հավելել, որ լուրի մասին տեղեկացել է զանգի միջոցով: «Հիանալի էր և միևնույն ժամանակ անսպասելի»,- հավելել է նա:
«Ամեն անգամ, երբ հրաժեշտ եմ տալիս այս նախագծին, ինձ ինչ-որ բան կրկին հիշեցնում է նրա մասին: Սա այդ պահերից մեկն է: Շնորհակալ եմ Հոլիվուդի արտասահմանյան մամուլի ասոցիացիային՝ անվանակարգի համար: Մենք շատ ենք աշխատել այս նախագծի վրա»,- հայտնել է Քիթը:
Բացի նրանից, «Դրամատիկ սերիալի լավագույն դերասան» անվանակարգում առաջադրվել են Բրայան Քոքսը («ժառանգներ»), Ռամի Մալեքը («Միստր Ռոբոտ»), Թոբայաս Մենզիսը («Գահ») և Բիլի Փորթերը («Կեցվածք»):
«Ոսկե գլոբուս» մրցանակաբաշխությունը տեղի կունենա 2020 թվականի հունվարի 5-ին:
