Ռուսական էստրադայի ամենասիրված ու հայտնի աստղերից մեկը՝ Ալլա Պուգաչովան, «Сегодня вечером» հաղորդման շրջանակներում անկեղծացել է՝ պատմելով, որ փառքի ու ճանաչման պատճառով նրա գրեթե բոլոր երազանքները խորտակվել են:
Պուգաչովան դեռ մանկուց երազել է դերասանուհի դառնալու մասին, սակայն երգչուհու կարիերան թույլ չտվեց փորձեր անել նաև ֆիլմարվեստում:
«Բոլորը կնայեն քեզ, իսկ մեր ռեժիսորական աշխատանքը չեն քննարկի»,- ասում էին Պուգաչովային ռեժիսորները և հրաժարվում նրա հետ համագործակցել:
Բարեբախտաբար, իր չիրականացրած երազանքներն իրականացրեց դուստրը՝ Քրիստինա Օրբակայտեն, ով բացի երգարվեստից փորձեց իրեն նաև տարբեր ֆիլմերում ու մեծ հաջողություններ գրանցեց:
Պուգաչովան նաև ավելացրել է, որ շնորհակալ է ռեժիսոր Ալեքսանդր Օրլովին, որ իրեն հրավիրել է նկարահանվելու «Կինը, որը երգում է» նախագծում:
