Լիլիթ Բասյանն իր ինստագրամյան էջում կիսվել է տղայի՝ Ալեքսի հետ ամանորյա լուսանկարներով և դրանց կից գրել է. «Առաջին հերթին ես ուզում եմ Ալեքսի ընկերը լինել: Ես գիտեմ, եթե անգամ նա սխալներ գործի, ես իրեն չեմ թողնի դրանց համար:
Ես չեմ ձգտում լինել գրքերից վերցրած իդեալական մայրիկի կերպար: Չեմ ընդունում «պարտավոր է» արտահայտությունը: Եթե մենք երեխային կյանք ենք նվիրել, պետք է նաև ազատություն տանք, չպետք է ղեկավարենք իր կայնքը, այլ հարց է, որ պետք է սովորեցնենք, թե ինչպես քայլի կյանքի ճանապարհով: Որքան էլ ասես, որ դիմացը փոս է, մեկ է, նա գնալու է դեպի այդ փոսը: Երբ ընկնի, պետք է օգնես կանգնել, ոչ թե ասես՝ ես ասում էի…
Մինչև երեխան չընկնի, չի հասկանա, որ այդտեղ իսկապես վտանգ կար: Ինքս էլ եմ այդպես արել: Մենք բոլորս մեր սխալների վրա ենք սովորում»:
