Փարիզի նորաձևության շաբաթը երիտասարդ է. անցկացվում է 1973 թվականից: Կազմակերպիչները Ֆրանսիայի Բարձր նորաձեւության ու Պրետ-ա-Պորտեի ֆեդերացիաներն են:
Փարիզի նորաձևության շաբաթն աշխարհում անցկացվող 4 հիմնականներից մեկն է՝ Լոնդոնից, Նյու Յորքից, Միլանից բացի: Այն տեղի է ունենում կես տարին մեկ:
Ժան Պոլ Գոտյեն հեռանում է
Ժան Պոլ ԳոտյենԺան Պոլ Գոտյեն զարմացրեց իր երկրպագուներին ու նորաձևության ողջ աշխարհին՝ ցուցադրությունից մի քանի օր առաջ հայտնելով, որ գարուն-ամառ 2020-ը վերջինն է լինելու իր կարիերայում: 50 տարի այս ոլորտում աշխատելուց հետո նա որոշել է հեռանալ:
Valentino-ն կոտրեց կարծրատիպերը
Պիերպաոլո Պիչչոլին այս անգամ կոտրեց իր մասին եղած կարծրատիպերն ու Փարիզում ներկայացրեց լիովին նոր ու տարբերվող հավաքածու:
Կերպարներն ավելի խիստ էին ու անհամաչափ տեսք ունեին: Վերափոխում՝ սա էր դիզայների նոր ու անսպասելի մեթոդը:
Dior. «Ի՞նչ կլինի, եթե աշխարհը ղեկավարեն կանայք»
Dior-ի ցուցադրությունը Ռոդենի թանգարանում էր, կազմակերպչական աշխատանքներով զբաղվել է նկարիչ Ջուդի Չիկագոն: Բեմի կենտրոնում «Ի՞նչ կլինի, եթե աշխարհը ղեկավարեն կանայք» արտահայտությունն էր.
McQueen-ի թիմային աշխատանքը
Alexander McQueen-ի ստեղծագործական տնօրեն Սառա Բերտոնը ցանկանում է, որ մարդիկ ժամանակ գտնեն ու հանդիպեն, միասին աշխատեն ու միավորվեն աշխարհը:
Ներկայացվել են անկրկնելի կաշվե զգեստներ, Վիկտորյական դարաշրջանի ոճով հագուստներ:
