Սելենա Գոմեսը նկարահանվել է իր ամենահամարձակ ֆոտոշարքում ու պատմել առողջական խնդիրների մասին (լուսանկարներ)

Ամերիկացի երգչուհի Սելենա Գոմեսը Dazed ամսագրի առաջարկով մասնակցել է կարիերայի ընթացքում ամենահամարձակ ֆոտոշարքին՝ դրա հետ մեկտեղ տալով բավականին անկեղծ հարցազրույց:

Ինչպես նշում է Daily Mail-ը, 27-ամյա աստղը տպավորիչ տեսք ունի գեղեցիկ կազմվածքն ընդգծող հագուստներում:
Ինչ վերաբերում է հարցազրույցին, ապա երիտասարդ երգչուհին, որի մոտ համակարգային կարմիր գայլախտ է ախորոշվել, և որը 2017թ. երիկամի փոխպատվաստման վիրահատություն է տարել, խոստովանել է, որ առանց այդ խնդիրներն ու բարդությունները հաղթահարելու` ինքն այդքան ուժեղ չէր դառնա:

«Իհարկե, կան բաներ, որոնք կցանկանայի չկատարվեին հետս, բայց միևնույն ժամանակ եթե այդ ամենի միջով չանցնեի, չէի կարողանա նույն ճակատագրին արժանացած մյուս մարդկանց օգնել»,-ասել է Գոմեսը:
Նրա պնդմամբ՝ իր երգերի անկեղծության շնորհիվ մարդիկ հասկանում են, որ մենակ չեն իրենց ցավի հետ:

«Այդ պատճառով երախտապարտ եմ կյանքիս տարբեր հատվածներին. հիմա ես ավելի ուժեղ եմ, խիզախ` պայքարելու այն ամենի համար, ինչին արժանի եմ»,-ասել է աստղը