Կոնստանտին Օրբելյանը կրկին զբաղեցնում է Օպերայի և բալետի ազգային ակադեմիական թատրոնի տնօրենի պաշտոնը - showbiz.am

Կոնստանտին Օրբելյանը կրկին զբաղեցնում է Օպերայի և բալետի ազգային ակադեմիական թատրոնի տնօրենի պաշտոնը

By

Ալ. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը կրկին ստանձնել է օպերային թատրոնի տնօրենի պարտականությունները:

«Այսօրվանից պաշտոնապես անցնում եմ աշխատանքի»,- այս մասին ասել է Կոնստանտին Օրբելյանը և տեղեկացրել, որ Առաջին ատյանի դատարանը հօգուտ իրեն դատավճիռ է կայացրել, որը լիազոր մարմինը՝ նախարարությունը, փորձել էր վիճարկել ՀՀ վերաքննիչ դատարանում, որը կրկին մերժվել էր:

«Այժմ ուժերս կենտրոնացնում եմ՝ կյանքի կոչելու հետագա նախագծերս: Ժամանակը սուղ է և պետք է հասցնենք բեմադրել մի շարք օպերաներ և մի շարք այլ ծրագրեր»,- ասել է Օրբելյանը և հավելել, որ ի տարբերություն նախորդ կառավարության, որը հոգում էր իրենց հյուրախաղերի հիմնական ծախսերը՝ այս կառավարությունից պատասխանել են, որ իրենց համար միևնույն է, թե ինչպես և որտեղից միջոցներ ձեռք կբերեն:

Իսկ թե ԿԳՄՍ-ն ինչ կարծիք ունի իր վերադարձի մասին՝ Օրբելյանն ասաց, որ դեռևս չի հանդիպել. «Վաղն եմ հանդիպելու, այդ ժամանակ պարզ կլինի, իսկ թատրոնի կոլեկտիվն արդեն տեղյակ է. ոմանք ուրախությամբ ընդունեցին, ոմանք` ոչ այդքան»,- ասել է մաեստրոն:

Հիշեցնենք, որ 2019թ. մարտի 28-ի՝ ՀՀ մշակույթի նախարարի ժամանակավոր պաշտոնակատար Նազենի Ղարիբյանի հրամանով  Կոնստանտին Օրբելյանն ազատվել էր Ալեքսանդր Սպենդիարյանի անվան օպերայի և բալետի ազգային ակադեմիական թատրոն» ՊՈԱԿ-ի տնօրենի պաշտոնից։

Leave a Comment

Your email address will not be published.

ԲԱՑ ՉԹՈՂՆԵԼ

ԲԱՑ ՉԹՈՂՆԵԼ

post-image
ԼայֆՍթայլ ԼայֆՍթայլԹՈՓ ՇոուՆյուզ

Ինչպես հանգստացնել լարված մկաններն ու ազատվել սթրեսից. երկու արդյունավետ ու հաճելի միջոց

Աշխատանքային լարված գրաֆիկն ու մշտական սթրեսը խիստ բացասաբար են անդրադառնում մարդու առողջական վիճակի վրա և ժամանակին միջոցներ չձեռնարկելը կարող...
Ավելին
post-image
ՇոուՆյուզ

Ջենիֆեր Էնիսթոնը անակնկալ է մատուցել ամերիկացի բուժքրոջը, որի մոտ կորոնավիրուս է ախտորոշվել (տեսանյութ)

Հայտնի դերասանուհի Ջենիֆեր Էնիսթոնը Jimmy Kimmel Live հաղորդման ընթացքում անակնկալ է մատուցել ամերիկացի բուժքրոջը, որի մոտ կորոնավիրուս է ախտորոշվել։ Տեսակապի միջոցով...
Ավելին