Վալենտինի օրվան ընդառաջ կպատմենք այն հայտնիների մասին, որոնք կապել են իրենց կյանքը իրենց առաջին սիրո հետ, կարողացել տարիների ընթացքում պահպանել զգացմունքները ու դառնալ անբաժան զույգեր:
Սնուփ Դոգ և Շանտե Թեյլոր
Ռեփերը 1997 թվականին ամուսնացել է իր դպրոցական ընկերուհի Շանտե Թեյլորի հետ, իսկ 2020-ին նրանք նշում են ամուսնության 23-րդ տարեդարձը, չնայած՝ ամեն ինչ չէ, որ այս զույգի համատեղ կյանքում հեշտ է ընթացել:
Մարկ Ցուկերբերգ և Պրիսցիլա Չան
Մարկ Ցուկերբերգն ու իր կինը հանդիպել են 2003 թվականին՝ Հարվարդի համալսարանում սովորելու ընթացքում: Այդ ժամանակ երկուսն էլ դեռ 18 տարրեկան էին: Պրիսցիլան մանկաբույժ է, զբաղվում է բարեգործությամբ:Այժմ զույգը երկու երեխա ունի: Մարկը Պրիսցիլային համարում է իր կյանքի ամենակարևոր մարդը:
Սթիվեն և Տաբիթա Քինգ
«Սարսափների թագավորը» իրականում մեղմ բնավորությամբ և նվիրված ամուսին է: Նա և Տաբիթան 49 տարի է, ինչ ամուսնացած են: Տաբիթան սիրահարվել է Սթիվենին պոեզիայի երեկոյի ընթացքում: Երկու տարի անց նրանք արդեն ամուսնացած էին: Չնայած, որ զույգը շատ դժվար ժամանակներ է հաղթահարել, միևնույնն է նրանք կարողացել են պահպանել իրենց սերը:
Ջոն Բոն Ջովի և Դորոթեա Հարլի
Ամերիկացի երգչը 1989 թվականին ամուսնացել է Դորոթեա Հարլիի հետ, այսինքն զույգն արդեն 31 տարի է միասին է: Նրանք ծանոթացել են դպրոցում, բայց Դորոթեան հանդիպում էր Բոն Ջովիի լավագույն ընկերոջ հետ, ու դեռ երկար ժամանակ նրանք պարզապես ընկերներ էին:Նրանց հարաբերություններն իսկապես ռոմանտիկ են: Զույգը գաղտնի ամուսնացել է Լաս Վեգասում Բոն Ջովիի համերգային շրջագայության ընթացքում:
