Ամերիկացի ռեփեր Էմինեմը ևս մեկ անգամ հաստատեց իր բարձր կարգավիճակը հիփ-հոփի աշխարհում, երբ նրա հերթական ստեղծագործություններից մեկի տեսահոլովակը հատեց 1 մլրդ դիտումների սահմանը YouTube տեսահոսթինգում։
Ինչպես ներկայացնում է CNN-ը, 47-ամյա երգչի Rap God երգի պաշտոնական հոլովակն այդ արդյունքին է հասել թողարկումից 6 տարի անց:
Վեց րոպե տևողությամբ հոլովակում, որն ընդգրկվել է հիփ-հոփ կատարողի The Marshall Mathers LP 2 8-րդ ստուդիական ալբոմում, հանդես են եկել նաև իր ռեփ կատարող գործընկերներից մի քանիսը։
Rap God-ը Էմինեմի երրորդ ստեղծագործությունն է, որը 1 մլրդ-ից ավել դիտում է ունեցել: Մյուս երկուսը Not Afraid և Love the Way You Lie երգերն են։
