Հոլիվուդյան դերասանուհի Շարլիզ Թերոնը Glamour ամսագրի հետ զրույցում հայտնել է, որ «արդեն երկար ժամանակ է՝ միայնակ է» և ամուսնանալու և իր ողջ կյանքը մեկ մարդու կողքին անցկացնելու մտադրություն չունի, գրում է MSN-ն:
44-ամյա դերասանուհին, խոսելով իր անձնական կյանքի ու սիրային հարաբերությունների մասին, ասել է. «Երկար ժամանակ է, ինչ միայնակ եմ: Իրականում երբեք չեմ ցանկացել ամուսնանալ: Դա հասկանալու համար ինձնից երկար ժամանակ չպահանջվեց, քանի որ այդ գիտակցումն ի ծնե ինձ հետ է եղել»:
Օսկարակիր դերասանուհին նախկինում սիրավեպ է ունեցել հոլիվուդյան դերասան Շոն Փենի հետ: Զույգը նշանադրվել էր 2014 թվականի դեկտեմբերին և բաժանվել վեց ամիս անց՝ 2015 թվականին։
Նախքան Շոնի հետ նշանադրությունը, դերասանուհին 2002-2010 թվականներին սիրավեպ է ունեցել դերասան Սթյուարտ Թաունսենդի հետ:
Թեև հարաբերությունների բացակայությանը, Շարլիզն ունի երկու որդեգիր երեխա՝ Օգուստը և Ջեքսոնը:
Դերասանուհու խոսքով՝ իր երեխաների հետ աշխատում է անկեղծ լինել, ինչպես իր մայրն է ժամանակին եղել:
«Հոգեպես ճնշվում էի, երբ մայրս չէր գովաբանում ինձ, բայց հետագայում գիտակցեցի՝ երբ ինչ-որ լավ բան է ասում, իսկապես ճշմարտությունն է ասում: Ու այդպես իմ ողջ կյանքի ընթացքում: Նա ինձ միշտ ճշմարտությունն էր հայտնում՝ լավ, թե վատ: Ու հիմա փորձում եմ նույն կերպ վարվել իմ երեխաների հետ»,- ասել է նա։
