Իտալացի դերասանուհի և մոդել Մոնիկա Բելուչին L’Officiel Italia նորաձևության ամսագրի համար անկեղծ ֆոտոշարքի նկարահանումներին է մասնակցել: Լուսանկարներից մեկը դերասանուհին հրապարակել է ինստագրամ սոցիալական կայքի իր էջում։
Սև-սպիտակ լուսանկարում 55-ամյա գեղեցկուհին Gucci ապրանքանիշի գծավոր պիջակ է կրում, որը համադրել է նույն բրենդի քարերով գոտու հետ:
Մոդելը պիջակի տակից Dolce & Gabbana բրենդին պատկանող թափանցիկ ներդիրներով բոդի և ձեռնոցներ է կրում: Դերասանուհու վարսերը դասական կերպով հետ են սանրված։
Նշվում է, որ լուսանկարների հեղինակը նորաձևության հայտնի լուսանկարիչ Պատրիկ վան Մալդերն է եղել։
