Դիմա Բիլանի պրոդյուսերը՝ Յանա Ռուդկովսկայան, մեկնաբանել է «Եվրատեսիլ-2020» ամենամյա երգի մրցույթին Little Big սկանդալային խմբի մասնակցությունը։
Little Big-ի մասնակցությունը մեծ իրարանցում է առաջացրել համացանցում, որովհետև արդեն երկար ժամանակ է, ինչ շշուկներ էին պտտվում, որ Եվրատեսիլ երգի ամենամյա մրցույթում Ալեքսանդր Պանայոտովը կներկայացնի Ռուսաստանը:
Ռուդկովսկայան համաձայնվել է ռուսական «Առաջին ալիքի» որոշման հետ՝ խոստովանելով, որ Ալեքսանդր Պանայոտովի պես արտիստների ժամանակն անցել է։
«Սա խոնարհում է նրանց թրենդների առաջ, և միանշանակ հաղթանակ է ֆորմատների, սահմանափակումների դեմ։ Հիթերի ու հայտնիության դեմ ոչինչ չես կարող անել։ Այս մարդիկ հաջողության են հասել առանց որևէ ռադիոալիքների, հեռուստաալիքների, առանց որևէ բանի»,- ասել է Յանան Little Big-ի մասին։
Յանան ուշադրություն դարձրեց այն փաստին, որ տեղի են ունեցել փոփոխություններ մրցույթի լսարանի հետ կապված, որի հետևանքով վերջինիս թիրախային խմբի տարիքը բավականին երիտասարդացել է։ Երգչուհին հավատացրեց, որ Little Big խումբն անչափ դուր է գալիս երիտասարդությանը։
«Պետք է հիշել, որ մրցույթում քվեարկում են ոչ թե տնային տնտեսուհիները, այլ երիտասարդները։ Հոլանդիան այն երկիրն է, որտեղ պետք է ուղարկել հենց Little Big խմբին»,- ասում է Ռուդկովսկայան։
