Ռուսաստանում մահացել է օպերային ռեժիսոր և Սանկտ Պետերբուրգի կոնսերվատորիայի ամբիոնի վարիչ Ստանիսլավ Գաուդասինսկին, գրում է lenta.ru կայքը։
Ռուսաստանի ժողովրդական արտիստը մահացել է 83 տարեկանում, մահվան հանգամանքները դեռևս չեն մանրամասնվում։
Ռուսաստանի թատերական գործիչերի միության՝ Սանկտ Պետերբուրգի երաժշտական թատրոնների բաժնի գլխավոր մասնագետ Ելենա Ամերոբեկյանի խոսքով՝ Գաուդասինսկին կյանքից հեռացել է կնոջ՝ ԽՍՀՄ ժողովրդական արտիստ Իրինա Բոգաչևայի մահվանից կես տարի անց։
2019 թվականի աշնանը հայտնի է դարձել նրա դստեր՝ Ելենա Գաուդասինսկու մահվան մասին։
Ստանիսլավ Գաուդասինսկին 1980–2007 թվականներին ղեկավարել է Միխայլովսկի օպերայի և բալետի թատրոնը։ Իր բեմադրությունների մեջ տեղ են գտել այնպիսի հայտնի աշխատանքներ, ինչպիսիք են «Մարիա Ստյուարտ», «Եվգենի Օնեգին», «Կարամազով եղբայրներ» և այլն։
