«H&M»-ը իր ներդրումն է ունենում կորոնավիրուսի դեմ համաշխարհային պայքարում

Շվեդական H&M Group ընկերությունը, որին պատկանում են «H&M», «COS», «Monki» և «Arket» ապրանքանիշերը, սկսում է բուժաշխատողների համար անհատական ​​պաշտպանիչ սարքավորումների և դիմակների արտադրության ու մատակարարման ծրագիր:

«Կորոնավիրուսը լուրջ ազդեցություն է թողնում մեզանից յուրաքանչյուրի վրա և «H&M» խումբը, ինչպես շատ այլ կազմակերպություններ, ամեն ինչ անում է, որպեսզի օգնի մարդկանց այս արտակարգ իրավիճակում: Միասին ենք մենք հայտնվել այս իրավիճակում և միայն համախմբվելով կարող ենք հաղթահարել այն» – ասել է Աննա Գեդդան՝ ընկերության զարգացման բաժնի ղեկավարը: