Հոլիվուդյան դերասան Դենիել Քրեյգը հայտնել է, որ իր 125 մլն դոլար կարողությունից ոչ մի կոպեկ չի թողնի իր երեխաներին, քանի որ ժառանգելու գաղափարը «տհաճ» է համարում, գրում է Independent-ը։
«Իմ փիլիսոփայությունն է՝ մահից առաջ ազատվել կարողությունից կամ այն մեկ ուրիշին տալ։ Ես չեմ ուզում մեծ գումարներ թողնել իմ հաջորդ սերնդին»,- Saga ամսագրի հետ զրույցում ասել է դերասանը։
52-ամյա Քրեյգն ունի երկու երեխա, որոնցից մեկը՝ նախորդ ամուսնությունից։ Դենիել Քրեյգն ամուսնացած է դերասանուհի Ռեյչել Վայսի հետ։
Քրեյգը, որը 2018 թվականին հայտնվել էր Sunday Times-ի հարուստ մարդկանց ցուցակում, ասել է նաև, որ երազում էր սուպերհերոսի դերում հանդես գալ, երբ դեռ նոր էր մտել կինոարվեստ։
«Ցանկանում էի խաղալ ցանկացած հերոսի՝ Սուպերմենի, Սարդ-մարդու, Անտեսանելի մարդու, նույնիսկ հին ու բարի կովբոյի կերպարում», – ասել է նա:
Ավելի վաղ հայտնի էր դարձել, որ Ջեյմս Բոնդի մասին ֆիլմաշարի նոր մասի պրեմիերան կորոնավիրուսի բռնկման ֆոնին գարնանից հետաձգվել է մինչև 2020թ. նոյեմբեր: