Վեց պարզ ու արդյունավետ հնարք, որոնք կօգնեն հեշտությամբ ազատվել որովայնի ճարպերից - Showbiz.am

Վեց պարզ ու արդյունավետ հնարք, որոնք կօգնեն հեշտությամբ ազատվել որովայնի ճարպերից

By

Ավելորդ քաշը ներկայում ամենավտանգավոր խնդիրներից մեկն է, որից մասնագետները հորդորում են ազատվել հնարավորինս շուտ։ Ճարպակալումը վերջին շրջանում ձեռք է բերել պանդեմիկ բնույթ, ինչը շատ վտանգավոր է, քանի որ ավելորդ կիլոգրամները բարձրացնում են մի շարք վտանգավոր հիվանդությունների, այդ թվում շաքարային դիաբետի, սրտանոթային հիվանդությունների և անգամ քաղցկեղի զարգացման հավանականությունը։ Սա է պատճառը, որ բժիշկները խորհուրդ են տալիս օր առաջ կարգի բերել կազմվածքը։

Ներկայում կան բազմաթիվ սննդակարգեր, որոնք նախատեսված են ավելորդ կիլոգրամներից արագ ազատվելու համար, սակայն դրանք բավական արդյունավետ չեն և կարող են վտանգավոր լինել առողջության համար։ Նման սննդակարգերից որոշ ժամանակ անց քաշը կարող է կրկին վերադառնալ և անգամ ավելանալ, և հենց սա է պատճառը, որ ավելորդ կիլոգրամների դեմ պայքարը կարող է բավական երկարատև լինել, իսկ դրանցից ազատվելը՝ բավական բարդ։ Ընդ որում առավել դժվար է լինում որովայնի ճարպաշերտերից ազատվելը, ուստի շատերը հուսահատվում են և դադարում են ջանքեր գործադրել։

Շատերի համար հիմնական խնդիրը հենց այս հատվածի տհաճ ճարպաշերտերից ազատվելն է լինում, սակայն մասնագետները ներկայացրել են մի քանի պարզ ու արդյունավետ հնարք, որոնք կօգնեն հեշտությամբ ազատվել ավելորդ կիլոգրամներից ու ձեռք բերել սլացիկ ու գրավիչ կազմվածք։ Այս դեպքում ցանկալի արդյունքին հասնելու համար հարկավոր է ցուցաբերել մի փոքր կամքի ուժ և հետևել մասնագետների խորհուրդներին։

Օրվա ընթացքում ավելի շատ ջուր խմել

Ջուրն օրգանիզմի համար կենսական նշանակություն ունեցող հեղուկ է, մինչդեռ մարդիկ հաճախ մոռանում են դրա մասին և հազվադեպ են օրվա ընթացքում բավարար քանակությամբ ջուր խմում։ Այնուամենայնիվ հարկ է հիշել, որ բավարար քանակությամբ ջուր խմելու սովորությունն ավելորդ քաշի դեմ պայքարի լավագույն միջոցներից մեկն է։ Ամեն անգամ ուտելուց առաջ մեկ կամ երկու բաժակ ջուր խմելը կօգնի շատ ավելի քիչ սնունդ օգտագործել։ Այս պարզ ու փորձված հնարքը թույլ է տալիս զգալիորեն նվազեցնել ամենօրյա սննդակարգի ընդհանուր կալորիականությունը, ինչն էլ ճարպերի մակարդակը նվազեցնելու և ավելորդ քաշից ազատվելու լավագույն միջոցն է։ Ընդ որում՝ այն շատ արդյունավետ է ցանկացած տարիքում և օգնում է հեշտությամբ ազատվել անգամ որովայնի հատվածի ճարպաշերտերից։

Շուտ պառկել քնելու և կարգավորել քնի ռեժիմը

Ավելորդ քաշի դեմ պայքարում շատ կարևոր նշանակություն ունի նաև առողջ քունը։ Քնի տևողությունն ավելացնելն ու օրական 7-8 ժամ քնելը կօգնի հեշտությամբ նվազեցնել օրգանիզմում ճարպերի մակարդակը։ Սա պայմանավորված է նրանով, որ նորմայից քիչ քնելու դեպքում մարդու օրգանիզմում արտազատվում է ավելի շատ կորտիզոլ, ինչն էլ հանգեցնում է ճարպերի կուտակման։

Ամենօրյա սննդակարգում յոգուրտ ներառել

Յոգուրտը ոչ միայն համեղ մթերք է, այլև շատ առողջարար։ Այն հարուստ է կալցիումով, որը խթանում է ճարպերի այրման գործընթացը ցանկացած տարիքում։ Բացի այդ, այս մթերքը պարունակում է պրոբիոտիկային բակտերիաներ, որոնք կանխում են փորափքանքն ու շատ օգտակար են աղիների միկրոֆլորայի համար։

Օգտագործել օգտակար ճարպերով հարուստ մթերք

Նիհարել ցանկացողները խուսափում են ճարպերից՝ ենթադրելով, որ դրանք նպաստում են քաշի ավելացմանը, սակայն ճիշտ ճարպերի գործածությունը շատ կարևոր է օրգանիզմի համար և անգամ օգնում է պայքարել ավելորդ քաշի դեմ։ Որովայնի հատվածի ճարպաշերտերից ազատվելու լավագույն միջոցներից մեկը մոնոչհագեցած ճարպերով հարուստ մթերքի գործածությունն է, իսկ դրանք պարունակվում են ձիթայուղի և գետնանուշի յուղի մեջ։ Շատ օգտակար կարող է լինել նաև ավոկադոն, որը հարուստ է մաննոհեպտուլոզա կոչվող նյութով, որն արգելակում է ինսուլինի արտադրությունը՝ դրանով իսկ նպաստելով ճարպերի կլանման նվազմանը։

Նվազագույնի հասցնել պարզ ածխաջրերի գործածությունը

Պարզ ածխաջրերի գործածության դեպքում արյան մեջ կտրուկ բարձրանում է շաքարի ու ինսուլինի մակարդակները, ինչը հիանալի պայմաններ է ստեղծում ավելորդ ճարպաշերտերի ստեղծման համար։ Սա է պատճառը, որ սննդակարգում հարկավոր է ներառել բարդ ածխաջրերով հարուստ մթերք՝ հատիկեղեն, մրգեր ու բանջարեղեն (ոչ շատ քաղցր ու չափավոր քանակությամբ)։

Օգտագործել մագնեզիումով հարուստ սննդամթերք

Մագնեզիումի բավարար քանակությունն ամենօրյա սննդակարգում համարվում է սլացիկ կազմվածք ունենալու ամենապարզ միջոցներից մեկը։ Այս տարրորվ հարուստ մթերքը թույլ է տալիս հարթ ու ձիգ որովայն ձեռք բերել ցանկացած տարիքում, ինչը պայմանավորված է նրանով, որ այն ակտիվացնում է այն ֆերմենտների աշխատանքը, որոնք կարգավորում են ճարպերի, սպիտակուցների ու ածխաջրերի յուրացուման ու կլանման գործընթացը։ Սա է պատճառը, որ հարկավոր է սննդակարգում անպայման ներառել սերմեր, կանաչ բանջարեղեն ու ավոկադո։

Leave a Comment

Your email address will not be published.

ԲԱՑ ՉԹՈՂՆԵԼ

ԲԱՑ ՉԹՈՂՆԵԼ

post-image
ՇոուՆյուզ

«Գարիկն ընդհանրապես գումար չուներ». Գարիկ Մարտիրոսյանի կինը պատմել է իրենց համատեղ կյանքի առաջին տարիների մասին

YouTube-յան «ТО Gazgolder» ալիքում հայտնվել է «Конечно Вася» շոուի նոր թողարկումը, որի ընթացքում հայտնի հումորիստ, պրոդյուսեր Գարիկ Մարտիրոսյանի կինը`...
Ավելին