Նազենի Հովհաննիսյանի լուսանկարներն ու նոր գրառումը - showbiz.am

Նազենի Հովհաննիսյանի լուսանկարներն ու նոր գրառումը

By

Հաղորդավարուհի, դերասանուհի Նազենի Հովհաննիսյանն իր երկրպագուների հետ կիսվել է լուսանկարների շարքով ու դրան կիղ գրառում է կատարել։

«Ծաղկեվանքում ուղիղ մի տարի առաջ էինք`«Համի ուժ»-ով: Այն ամայի էր ու դատարկ. այսօր արդեն` մարդաշատ ու սարքին։ Մի կնոջ բժշկության մասին եմ լսել` մեր նկարահանումից հետո այս վայրն այցելած…երանի գտնեինք նրան։ Այսօր Համբարձումն է:Քրիստոսի Հարության 40-րդ օրը: Հարությունից հետո Քրիստոս 40 օր մնում է երկրի վրա և երևում առաքյալներին ու հավատացյալներին: Իր վարդապետության 40-րդ օրը`վերջին հանդիպման ժամանակ, օրհնում է առաքյալներին ու համբարձվում երկինք: Վկայում են Ս.Մարկոս և Ս.Ղուկաս ավետարանիչները, ինչպես նաև՝ «Գործք Առաքելոց»–ը։ «Եվ Ինքը` Տեր Հիսուս, նրանց հետ խոսելուց հետո, դեպի երկինք վերացավ և նստեց Հոր աջ կողմը» (Մարկ. 16:19): Հայ Առաքելական եկեղեցին Համբարձման տոնին հիշատակում է նաև Ամենայն Հայոց կաթողիկոսության Աթոռը Սիս քաղաքից Մայր Աթոռ Սուրբ Էջմիածին փոխադրելը: Պատմության թելադրանքով 484 թվականից Հայաստանի տարբեր վայրերում հանգրվանած Հայրապետական Աթոռը 1441 թվականին Վաղարշապատի ազգային-եկեղեցական ժողովի որոշմամբ մեկընդմիշտ վերահաստատվում է լուսավորչահիմն Ս. Էջմիածնում: Ի հիշատակություն պատմական այդ օրվա` Ս. Էջմիածնում Համբարձման տոնի առթիվ մատուցվող Ս. Պատարագի ընթացքում Իջման Ս. Սեղանի առջև կատարվում է նաև Հայրապետական մաղթանք: Քրիստոսի Համբարձման տոնը նաև ժողովրդական հանդիսություններով է լի. կոչվում է Ջանգյուլում (գյուլ` վարդ, ծաղիկ): Օրն անվանում էին նաև «Ծաղկամոր կիրակի»: Ծաղկամայրն ըստ ավանդության քրիստոնյա Վարվառե կույսն է, ով փախչելով կռապաշտ հորից՝ ապաստանում է Արայի լեռան քարանձավում: Հայրը հետապնդում է աղջկան, գտնում և սպանում նրան: Նահատակվելուց առաջ Վարվառեն Աստծուն խնդրում է, որ ծաղիկ և կարմրուկ հիվանդություններ ունեցող մանուկները բժշկվեն իր անունով: Աստված կատարում է նրա խնդրանքը, և Վարվառեի բարեխոսությունը խնդրող ծնողների զավակներն ազատվում են այդ հիվանդություններից: Այս քարանձավ-մատուռը ուխտատեղի է, պատերից մաքուր ու բուժիչ ջուր է հոսում, ասում են` կույսի արցունքներն են: Տոնը Հայաստանի տարբեր շրջաններում յուրովի է նշվում: Ծաղկահավաք են անում,հետո վիճակ գցում` պարզելու, թե այդ տարի ո՞վ է ամուսնանալու: Տոնի օրը ջրով լի կժերի մեջ գցում են ծաղիկների տերևներ և աղջիկներին պատկանող զանազան իրեր՝ նկարագրված նաև Թումանյանի «Անուշը» պոեմում»,- գրել է Նազենին։

Leave a Comment

Your email address will not be published.

ԲԱՑ ՉԹՈՂՆԵԼ

ԲԱՑ ՉԹՈՂՆԵԼ

post-image
ԻնստաԼայֆ ԻնստաԼայֆԹՈՓ ՇոուՆյուզ

«Բարի գալուստ այս գեղեցիկ աշխարհ, իմ փոքրիկ հերոս». ծնվել է Գոհար Ավետիսյանի առաջնեկը

Ռուսաստանաբնակ հայտնի դիմահարդար Գոհար Ավետիսյանը մայր է դարձել: Ժամեր առաջ Գոհարն Ինստագրամում իր սթորիների միջոցով հետևորդներին հայտնել էր, որ...
Ավելին
post-image
ՇոուՆյուզ

«Հուսով եմ, որ իմ երազանքը կիրականանա»․ Սրբուհի Ավանեսյանը՝ մոդելային ու դերասանական կարիերայի, նոր մասնագիտություն ձեռք բերելու ցանկության ու կարանտինի մասին

Դերասանուհի, մոդել Սրբուհի Ավանեսյանը հայտնի դարձավ «Մոր խոստումն» ու «Սիրուն Սոնա» հեռուսատասերիալներից ու սիրվեց հեռուստադիտողների կողմից։ Showbiz.am-ի հետ զրույցի...
Ավելին