«Թույլ չեմ տա մոռացության մատնել Ջորջ Ֆլոյդի անունը». Քլոյե Քարդաշյանը՝ ԱՄՆ-ում սևամորթի դաժան սպանության մասին - Showbiz.am

«Թույլ չեմ տա մոռացության մատնել Ջորջ Ֆլոյդի անունը». Քլոյե Քարդաշյանը՝ ԱՄՆ-ում սևամորթի դաժան սպանության մասին

By

Ամերիկյան Keeping Up With the Kardashians ռեալիթի շոուի աստղ Քլոյե Քարդաշյանն անդրադարձել է այս օրերին երկրում տեղի ունեցող բողոքի զանգվածային ակցիաներին, որոնց համար պատճառ է դարձել վերջերս Մինեապոլիսում ոստիկանի կողմից սևամորթ իրավախախտի՝ Ջորջ Ֆլոյի դաժան սպանությունը:

Երեսունհինգամյա աստղը նշել է, որ Ֆլոյդի սպանությունն ուղղակի զզվելի է և կրկնում է նախկինում կատարված նմանատիպ սպանությունները:

«Մենք նույն բանը բազմիցս տեսել ենք: Սևամորթների նկատմամբ խտրական վերաբերմունք է կիրառվում, նրանք զոհի կարգավիճակում են և արդեն տևական ժամանակ սպանվում են, սակայն այս մշտական պատուհասի պայմաններում նրանք գերմարդկային ճկունություն են ցուցաբերում»,-ասել է Քարդաշյանը:

Հեռուստաստղի համոզմամբ՝ անընդունելի է, որ 2020թ. մարդիկ շարունակում են  առաջնորդվել կարծրատիպերով և խտրական վերաբերմունքով՝ մարդկանց դատելով ըստ մաշկի գույնի, ինչի հետևանքով ռասիզմը շարունակում է մշտական իրականություն լինել:

Քլոյե Քարդաշյանը նշել է, որ ինքը՝ որպես ճանաչված հանրային դեմք, իր ունեցած հարթակը կօգտագործի սևամորթների դեմ կատարվող սիստեմատիկ անարդարության մասին բարձրաձայնելու  համար:

«Ես իմ արտոնությունը կօգտագործեմ ձեր համար պայքարելու նպատակով: Թույլ չեմ տա, որ Ջորջ Ֆլոյդի անունը մոռացվի: Այսուհետ առաջվանից էլ ավելի բարձրաձայն ու անվախ խոսելու եմ ընդդեմ խտրականության: Պետք է փոփոխություններ լինեն: Սևամորթների կյանքերը նշանակություն ունեն: Մենք կարող ենք, մենք պարտավոր ենք, և մենք կփոխենք ապագան»,-ասել է Քարդաշյանը:

Հիշեցնենք, որ զանգվածային բողոքի ցույցեր են սկսվել օրերս սոցցանցերում տարածված 10 րոպե տևողությամբ մի տեսանյութի հրապարակումից հետո, որում ոստիկանը Ջորջ Ֆլոյդ անունով սևամորթ իրավախախտին պառկեցրել է գետնին ու ծնկով սեղմում է նրա վիզը։ Անտեսելով տղամարդու աղաչանքներն ու շնչել չկարողանալու մասին խոսքերը՝ ոստիկանը հրաժարվում է նրան բաց թողնել, դրա հետևանքով Ֆլոյդը մահանում է։

Այս պատահարից զայրացած ցուցարարներն այժմ պահանջում են խստագույնս պատասխանատվության ենթարկել մարդասպան ոստիկանին և նրա հետ եղած մյուս երեք սպային, որոնք տեղում ոչինչ չեն ձեռնարկել տղամարդու կյանքը փրկելու համար։

Leave a Comment

Your email address will not be published.

ԲԱՑ ՉԹՈՂՆԵԼ

ԲԱՑ ՉԹՈՂՆԵԼ

post-image
ՇոուՆյուզ

«Հայ փոքրիկ երգիչներ» ասոցիացիան հայ գերիներին վերադարձնելու համար դիմել է միջազգային կառույցների

«Հայ փոքրիկ երգիչներ» միջազգային ասոցիացիան հայ գերիներին եւ զոհված զինծառայողների մարմինները վերադարձնելու համար դիմել է մի շարք միջազգային կառույցների...
Ավելին
post-image
ՇոուՆյուզ

«Առաջին օրից սկսած ամենավատ տեղերում է եղել և ընկերների հետ կռվել. վերջին կետը եղել է Շուշին». Մարիամ Ալեքսանյանի գրառումը եղբոր մասին

Դերասանուհի Մարիամ Ալեքսանյանը գրառում է կատարել ժամկետային զինծառայող եղբոր` Ալբերտի մասին, որը պատերազմի օրերին առաջնագծում է եղել։ «44 օր...
Ավելին