Daily Telegraph թերթին տված նոր հարցազրույցում Մեծ Բրիտանիայի արքայազն Հարրիի նախկին ընկերուհին՝ դերասանուհի Քրեսիդա Բոնասը, խոսել է արքայազնից բաժանվելուց հետո ունեցած վախերի և դրանք հաղթահարելու մասին, գրում է Fox News-ը։
«Ես կարծում եմ, որ ավելի ինքնավստահ եմ դարձել և, բարեբախտաբար, սովորել եմ մանրուքներին ուշադրություն չդարձնել»,- պարբերականին ասել է Բոնասը:
Բոնասը հայտնել է, որ թերարժեքության բարդույթների զոհ է դարձել՝ փորձելով մշտապես կատարյալ երևալ հասարակության աչքում։
«Ձախողվելու, մերժվելու, սխալվելու և կատարյալ չլինելու վախերը, կարծում եմ, կյանքիս որոշակի իրավիճակներում ինձ սահմանափակել են»,- հավելել է նա։
Արքայազն Հարրիից բաժանմանը հաջորդած տարիներին Բոնասը խոստովանել է, որ երբեմն վախենում էր, որ այդ հարաբերությունների պատճառով նրան ամբողջ կյանքի ընթացքում կմատնանշեն որպես «փառամոլ կին»։