Քորթնի Քարդաշյանն ու իր նախկին ամուսինը կրկին միասի՞ն են

Երեկ ԱՄՆ-ում մեծ շուքով նշվող Հայրերի օրվա առթիվ Քորթնի Քարդաշյանը լուսանկար է հրապարակել իր նախկին ամուսնու՝ Սքոթ Դիզիքի ու իրենց երեխաների հետ։

Քորթնին լուսանկարին կից գրել է․ «Շնորհավոր Հայրերի տոնը։ Շնորհակալ եմ քո ու այս երեք յուրահատուկ մարդկանց համար»։ Այս լուսանկարն ու գրառումը Քորթնիի հետևորդների շրջանում կասկածի առիթ է ստեղծել։ Մարդիկ մեկնաբանություններում միմյանցից հարցնում են, թե արդյոք զույգը կրկին միասին է։ Ոմանք էլ արդեն վստահորեն հաստատում են այդ լուրը։ Համենայն դեպս, ո՛չ Քորթնին, ո՛չ Սքոթը դեռ չեն մեկնաբանել այդ լուրերը։