Կոկոսի յուղով դիմակ. Տնային պայմաններում մազերի այսպիսի խնամքը շատ հեշտ է, քանի որ կոկոսի յուղով դիմակի համար բացի կոկոսի յուղից, այլ բաղադրիչ պետք չէ: Այն պարունակում է բազմաթիվ օգտակար նյութեր, որոնք սնուցում են մազերը և օգնում պահպանել դրանց առողջությունը: Կոկոսի յուղը պետք է քսել մազի ողջ երկարությամբ, բացառությամբ արմատներից և գլխամաշկից: Այն պետք է մազերի վրա մնա մոտ 40 րոպե, այնուհետև պետք է լվանալ մազերը:
Մեղրով դիմակ. Մեղրն այնպիսի բաղադրիչ է, որ կախարդական ազդեցություն է ունենում մաշկի, մազերի և շրթունքների վրա: Մեղրը խոնավացնում է գլխամաշկը, վերացնում մազաթափությունն ու խթանում մազերի աճը: Բնական մեղրով դիմակ պատրաստելու համար ձեզ ընդամենը հարկավոր է մեկ կամ երկու ճաշի գդալ մեղր: Եթե ալերգիկ չեք, ապա կարող եք այս դիմակն օգտագործել ձեր մազերի առողջ տեսքը վերականգնելու համար: Այն պետք է հավասարաչափ տարածել մազերի ողջ երկարությամբ և գլխամաշկի վրա ու պահել 40 րոպե: Դրանից հետո մազերը պետք է լվանալ սենյակային ջերմաստիճանի ջրով:
Բնական յուղերով դիմակ. Բնական յուղերը հրաշալի ազդեցություն են գործում մաշկի և մազերի վրա: Դրանք վերականգնում են վնասված մազերն ու դրանց փայլ հաղորդում: Այդպիսի դիմակ պատրաստելու համար անհրաժեշտ է իրար խառնել 1 թեյի գդալ ձիթապտղի, 1 թեյի գդալ գերչակի և 1 թեյի գտալ կռատուկի յուղեր ու ստացված զանգվածը քսել մազերին ու գլխամաշկին: Դիմակն անհրաժեշտ է պահել 20-30 րոպե, իսկ հետո լվանալ: