Հոլիվուդյան մարտաֆիլմերի աստղ Սիլվեստր Ստալոնեն մեքենաների մեծ սիրահար է և ունի դասական ու էկզոտիկ փոխադրամիջոցների մեծ հավաքածու: Այժմ դերասանը որոշել է բաժանվել իր տպավորիչ հավաքածուի նմուշներից մեկից:
Ինչպես նշում է Daily Mail-ը, դերասանը 350 000 դոլարով վաճառքի է հանել իր Cadillac Escalade մեքենան, որը ձևափոխվել էր իր անձնական նախասիրությունների համաձայն:
74-ամյա դերասանը մեքենայի ձևափոխման վրա 409 000 դոլար է ծախսել:
«Ես այս մեքենան պատվիրել եմ հատուկ նպատակով, սակայն վերջերս պահանջներս փոխվել են ու այս գեղեցիկ փոխադրամիջոցի կարիքն այլևս չունեմ»,- նշել է Ստալոնեն:
Մեքենան համալրված է անլար ինտերնետ կապով, մերսման հնարավորությամբ, ջերմակարգավորվող նստատեղերով, 43 դյույմ անկյունագծով Ultra HD LCD «խելացի» հեռուստացույցով, որը գտնվում է վարորդի և հետևի շարքի ուղևորների միջև ընկած հատվածում:
Նշվում է, որ սովորական, առանց ձևափոխումների Escalade-ի գինը 89 500 դոլար է:
Տեսանյութը կարող եք դիտել այստեղ: