Կորոնավիրուսն ամենասարսափելի հիվանդությունը չէ, որին բախվել է մարդկությունը։ Ռուսական Առաջին ալիքի «Здоровье» հաղորդման եթերում հայտարարել է հեռուսահաղորդավարուհի և բժիշկ Ելենա Մալիշևան։
«Համավարակի ժամանակ մարդիկ սկսել են կենտրոնանալ կորոնավիրուսի վրա և մոռացել են ավելի վտանգավոր հիվանդությունների ամսին։ Կորոնավիրուսը ամենավտանգավորը չէ և, ինչպես երևում է, առհասարակ սարսափելի հիվանդություն չէ»,-ասել է Մալիշևան։
Նրա խոսքով՝ մահերի վիճակագրության մեջ կորոնավիրուսն աշխարհում 17-րդ տեղն է զբաղեցնում։
«Ամենասարսափելի հիվանդությունների հնգյակում են թոքախտը, հեպատիտ B-ն, թոքաբորբը, ՁԻԱՀ-ը և մալարիան»,-նշել է նա։
Մալիշևան ընդգծել է, որ չնայած դեղամիջոցների և պատվաստանյութերի առկայությանը, այդ հիվանդությունները մարդու համար ամենավտանգավորն են մնում։
Հիշեցնենք, որ Մալիշևայի 87-ամյա մայրը, ով վարակվել էր կորոնավիրուսով, բուժվել է։ Հաղորդավարուհին նշում է, որ մայրը շատ դժվարությունների միջով է անցել․ նա մի ամսից ավելի գտնվել է հիվանդանոցում, իսկ երկու շաբաթ անցկացրել է ինտենսիվ թերապիայի բաժանմունքում։
«Ես ուրախ եմ, որ մայրս հաղթել է կորոնավիրուսը։ Շնորհակալ եմ բոլոր բժիշկներին, ովքեր նրան բուժել են։ Առողջություն բոլորին և որքան հնարավոր է երկար մնացեք երեխաների կարգավիճակում»,- մաղթել էր բոլորին Մալիշևան։
