«Որոշել ենք մեզ վրա փորձարկել». Մարգարիտա Սիմոնյանը պատվաստվել է կորոնավիրուսի դեմ

«Россия сегодня» միջազգային տեղեկատվական գործակալության և RT հեռուստաալիքի գլխավոր խմբագիր Մարգարիտա Սիմոնյանը տեղեկացրել է, որ պատվաստվել է կորոնավիրուսի դեմ: Այս մասին գրում է «ՌԻԱ Նովոստի» գործակալությունը:

«Մեդիա մասնագետների մի ամբողջ խմբով սկսել ենք փորձարկել մեզ վրա: Երկրորդ օրն է, ամեն ինչ լավ է»,- գրել է Սիմոնյանն իր տելեգրամյան ալիքում:

Ինչպես ավելի վաղ հայտնի էր դարձել, Մոսկվայի բնակիչներին սկսել են պատվաստել կորոնավիրուսի դեմ` դեղամիջոցի հետհաշվառման ստուգումների շրջանակում: Պատվաստանյութը ներարկվում է երկու փուլով: Առաջին փուլում կամավորներին կներարկվի պատվաստանյութի առաջին բաղադրիչը, իսկ 21 օր հետո` երկրորդը: Բաղադրիչները տարբերվում են իրենց բաղադրության մեջ ներառված ակտիվ նյութերով, դա արվում է իմունային պաշտպանությունն ուժեղացնելու համար: