Ռեփ երգչուհի Քարդի Բին, նրա քույրը՝ Հեննեսի Կարոլինան ու վերջինիս ընկերուհին հալածել են Դոնալդ Թրամփի աջակիցների խմբին, որոնցից մեկը Make America Great Again («Ամերիկան կրկին հզոր դարձնենք») գրությամբ գլխարկ է կրել։ Ամեն դեպքում, աղջիկների դեմ դատական հայցում դա են պնդում տուժածները։
Երեք տղամարդ հայտնել են, որ ոչ ոքի չեն խանգարել ու հանգիստ վայելել են արևոտ օրն ընտանիքների հետ, երբ 24-ամյա Հեննեսին հայտնվել է իրենց կողքին և սկսել է թքել իրենց վրա, վիրավորանքներ ու սպառնալիքներ հնչեցնել միայն այն պատճառով, որ ընկերներից մեկը կրել է հայտնի կարմիր գլխարկը։ Քարդին հակառակն է պնդում. ռասիստ տղամարդիկ են ծաղրել քրոջը, քանի որ նա մուգ մաշկ ունի ու լեսբի է։ Հեննեսին հայտարարել է, որ իրեն հանգիստ չեն տվել՝ լսելով, որ ինքը խոսում է իսպաներենով ու կոպիտ կերպով ասել են՝ ԱՄՆ-ից հեռնալ սեփական երկիրը։
Սոցիալական ցանցերում շատերն են կարծում, որ Քարդիի վարկածը ճշմարտանման չէ։ Ռեփ երգչուհին առայժմ ոչ մի կերպ չի մեկանաբանել իրավիճակը և հավանաբար զբաղված է իր ու ռեփեր Offset-ի բաժանությամբ։