Նարեկ Դուրյանը սփյուռքահայերին հորդորում է ավելի մեծ եռանդով միանալ հայրենիքի փրկությանը - Showbiz.am

Նարեկ Դուրյանը սփյուռքահայերին հորդորում է ավելի մեծ եռանդով միանալ հայրենիքի փրկությանը

By

Դերասան, ռեժիսոր, «Բոհեմ» թատրոնի հիմնադիր Նարեկ Դուրյանը, դիմելով սփյուռքահայերին, կոչ է անում բոլորին համախմբվել և ավելի մեծ եռանդով միանալ հայրենիքի փրկության գործին:
«Բոհեմ» թատրոնի «Ֆեյսբուք»-ի պաշտոնական էջում հրապարակված տեսանյութում Դուրյանը շեշտում է, որ հատկապես այսօր սփյուռքի ակտիվ աջակցությունը բոլորիս համար չափազանց կարևոր է:

Ես երբեք չեմ կասկածել սփյուռքահայերի նվիրվածությանը: Շատերը գիտեն, բայց ուզում եմ կրկին պատմել: Տարիներ առաջ Ֆրանսիայում բնակվող ընկերներիցս մեկը  մի մեծ կաշվե տոպրակի մեջ հորթի արյուն է լցնում, եղբոր հետ նստում են մոտոցիկլը և արյունով պարկը ձեռքներին քշում դեպի թուրքական դեսպանատուն: Հենց թուրք դեսպանը դուրս է գալիս, միանգամից մոտենում են, և ընկերս ամբողջ արյունը շփում է նրա վրա: Դա տեղի է ունենում ապրիլի 24-ից մի քանի օր առաջ»,-պատմում է դերասանը:

Նա վերհիշում է ևս մեկ պատմություն: «Կնոջս հայրը, որը մեծ գործարան ուներ, մի տուփի մեջ ծիրաններ է դնում, Արարատի նկարը և պատմական Հայաստանի քարտեզը, որի վերևում գրում է, որ Աստված ստեղծեց ծիրանը Հայաստանում: Քանի որ գործարանը բավականին մեծ էր և շատ հաճախորդներ ուներ, Ֆրանսիայի գրեթե բոլոր սուպերմարկետներում տուփը վաճառվում էր: Պատկերացնո՞ւմ եք՝ ինչ պրոպագանդա էր: Մի օր թուրք դեսպանը զանգահարում է աներոջս ու հարցնում, թե ո՞ր Հայաստանի մասին է նա ակնարկում: Դեսպանը նշում է, որ իրենք՝ թուրքերը, ընդամենը մեկ Հայաստան գիտեն՝ Սովետական Հայաստանը: Աներս էլ իր հերթին է հարց հնչեցնում. եթե դեսպանը միայն մեկ Հայաստանի մասին գիտի, ո՞ր մի Հայաստանի մասին է ակնարկում: Ուրեմն երկրորդ Հայաստանն էլ լավ գիտի»,-հետաքրքիր պատմությունը ներկայացնում է Նարեկ Դուրյանը:

Նա ընդգծում է՝ սփյուռքում բազմաթիվ նման մարդիկ կան, ուստի մենք կորած չենք:

Դուրյանի համոզմամբ՝ հայերը ներկայումս գոյության համար շատ կարևոր օրեր են ապրում: Նա վստահ է՝ հաղթելու ենք, բայց անհրաժեշտ է, որ սփյուռքն առավել համախմբված մեզ օժանդակի, որպեսզի ոչ թե մենք միանանք նրանց, այլ սփյուռքահայերը վերադառնան Հայաստան:

«Համբուրում եմ բոլորիդ»,-եզրափակում է Դուրյանը:

Leave a Comment

Your email address will not be published.

ԲԱՑ ՉԹՈՂՆԵԼ

ԲԱՑ ՉԹՈՂՆԵԼ

post-image
ՇոուՆյուզ

«Մենք մեր երկիրը հանձնում ենք ներսից՝ մոռանալով պատմության էջերը, տարրական հարգանքն ու հանդուրժողականությունը». Նազենի Հովհաննիսյան

Դերասանուհի, հաղորդավարուհի Նազենի Հովհաննիսյանը սոցցանցերի իր էջերում կիսվել է 2016 թվականի դեկտեմբերին արված իր գրառմամբ՝ նշելով, որ այն արդիական...
Ավելին
post-image
ԻնստաԼայֆ ՇոուՆյուզ

«Դավաճանի պիտակը հերոսի վրա զոռով-շառով կախողն ուշ, թե շուտ սեփական ճակատին է դաջում այն». Ավետ Բարսեղյան

ՀՀ մշակույթի վաստակավոր գործիչ, երգահան Ավետ Բարսեղյանն Ինստագրամի իր էջում հրապարակում է արել՝ անդրադառնալով Հայաստանում ու Արցախում տիրող իրավիճակին:...
Ավելին
post-image
ՇոուՆյուզ

«Տիգրանը ճիշտ էր, ես սխալվեցի. շարունակում ենք իրար միս ուտել նախկին ու ներկա իշխանավորի համար». Նելլի Խերանյան

ՀՀ վաստակավոր արտիստ, Գաբրիել Սունդուկյանի անվան ազգային ակադեմիական թատրոնի դերասանուհի Նելլի Խերանյանը Ֆեյսբուքի իր էջում գրառում է արել՝ անդրադառնալով...
Ավելին