Ինչպես ավելի վաղ հայտնել էինք, դերասան Հայկ Չոմոյանը ռազմաճակատում վիրավորվել է: Նա այժմ գտնվում է Երևանի բժշկական կենտրոններից մեկում:
Դերասնուհի Ժաննա Բուտուլյանը տեսակցության է գնացել գործընկերոջը և լուսանկար հրապարակել: «Մեր քաջ Չոմոյանը: Ապաքինվիր շուտ»,- գրել է նա:
Tert.am Life-ի հետ զրույցում Ժաննան ասաց, որ Հայկն ունի հրազենային և բեկորային վնասվածքներ: Նրան դեռ պետք է վիրահատեն:
Նշենք, որ Հայկը մեկնել է ռազմաճակատ պատերազմի առաջին իսկ օրվանից:
