Դերասան Հրանտ Թոխատյանը, «ԵրՄԻ» թիմի անդամ, կինոպրոդյուսեր Արմեն Գրիգորյանը եւ ռեժիսոր Մհեր Մկրտչյանը մտավորականներին կոչ են անում համախմբվել՝ գերիների խնդրով միջազգային կառույցներին դիմելու համար:
Նրանք առանց քաղաքական գործիչների մասնակցության բողոքի ակցիա են նախաձեռնել՝ արվեստագետներին, գիտնականներին, մարզիկներին եւ ուղղակի ոչ անտարբեր մարդկանց հորդորելով իրենց միանալ նոյեմբերի 28-ին, ժամը 14.00-ին՝ Շառլ Ազնավուրի (Կինո Մոսկվա) հրապարակում։
«Քանի որ Հայաստանը չունի իշխանություն, մենք ենք պահանջում միջազգային բոլոր կառուցներից՝ ստիպել ադրբեջանական կողմին ազատել հայ գերիներին, թույլ չտալ նրանց պատվազրկելը Բաքվի շքերթում, շուտափույթ վերադարձնել հայ զինվորների դիերը հարազատներին», – Ֆեյսբուքում գրել է Արմեն Գրիգորյանը:
Արվեստագետներն օգտագործել են «Ես եմ պահանջում» հեշթեգը:
