Դեկտեմբերի վերջին Բորիս Գրաչևսկին հիվանդանոց էր տեղափոխվել կորոնավիրուսով։ «Երալաշի» ստեղծողը վստահեցնում էր, որ չարժե անհանգստանալ իր առողջության համար։ Սակայն այժմ ռեժիսորին բժշկական կոմայի մեջ են գցել և միացրել են ԻՎԼ ապարատին։
71-ամյա Բորիս Գրաչևսկու վիճակը գնահատվում է ծայրահեղ ծանր։ «Երալաշի» գեղարվեստական ղեկավարին միացրել են թոքերի արհեստական օդափոխության ապարատին։
Նշենք, որ Բորիս Յուրյևիչի ընկերները դեռ երկու օր առաջ էին անհանգստացրել երկրպագուներին՝ հայտնելով, որ դերասանը գտնվում է վերակենդանացման բաժանմունքում։ Նրանց խոսքով՝ Գրաչևսկու մոտ թոքերի ծանր ախտահարում են հայտնաբերել, իսկ վիրուսային թոքաբորբին ավելացել է նաև բակտերիալ վարակը։