Հինգշաբթի օրը 79 տարեկանում կյանքից հեռացել է ֆրանսիացի դերասանուհի Նատալի Դելոնը ՝ դերասան Ալեն Դելոնի նախկին կինը: Այս մասին ինստագրամյան գրառումով տեղեկացրել է Դելոնների որդին՝ Անտոնին:
Նատալին և Ալենը ամուսնացած են եղել 1964-1968 թվականներին, նրանց որդին նույնպես դարձել է դերասան:
«Հանգչիր խաղաղությամբ, մայրիկ»,-գրել է Անտոնի Դելոնը:
Դերասանուհու մահվան պատճառը չի նշվում:
Նատալի Դելոնը նկարահանվել է տասնյակ ֆիլմերում: Մասնավորապես, նա Ալեն Դելոնի հետ միասին խաղացել է Ժան-Պիեռ Մելվիլի «Սամուրայ» (1967) ֆիլմում:
