Լոս Անջելեսի Staples Center դահլիճում այսօր կայացել է արևմտյան երգարվեստի ամենակարևոր իրադարձություններից մեկը՝ ամենամյա «Գրեմմի» մրցանակաբաշխությունը, որն այս տարի անցկացվել է 62-րդ անգամ:
Ինչպես հայտնում է The Guardian-ը, «Լավագույն երգ» և «Լավագույն ձայնագրություն» անվանակարգերում հաղթել է Բիլի Այլիշի «Bad Guy»-ը:
«Տարվա ալբոմ» և «Լավագույն փոփ վոկալային ալբոմ» անվանակարգերում կրկին պարգևատրվել է Բիլի Այլիշը (When We All Fall Asleep, Where Do We Go?):
Բացի այդ, նա նաև ճանաչվել է լավագույն նոր արտիստ:
«Լավագույն ռեփ կատարում» անվանակարգում հաղթել են DJ Khaled-ը, Ջոն Լեջենդն ու Նիփսի Հասլը՝ «Higher» ստեղծագործությունով:
«Լավագույն ռեփ երգ» անվանակարգում հաղթել է 21 Savage-ի և J. Cole-ի «A Lot»-ը:
«Լավագույն սոլո կատարում» անվանակարգում հաղթել է Lizzo-ի՝ «Truth Hurts» ստեղծագործությունը:
«Լավագույն ռոք երգ» և «Լավագույն ռոք կատարում» անվանակարգերում հաղթող է ճանաչվել Գարի Քլարկը՝ «This Land» երգով:
Լավագույն ռոք ալբոմ է ճանաչվել Cage The Elephant-ի «Social Cues»-ը:
«Լավագույն լատինական փոփ ալբոմ» անվանակարգում մրցանակի է արժանացել Ալեխանդրո Սանզի «Eldisco»-ն:
«Լավագույն սաունդթրեք» անվանակարգում հաղթել է Լեդի Գագայի և Բրեդլի Կուպերի «A Star Is Born»-ը:
