Ամերիկյան շոու բիզնեսի ամենահայտնի զույգերից մեկը՝ Քիմ Քարդաշյանն ու ռեփեր Քանյե Ուեսթը, երկրպագուների համար «բացել» են իրենց 20 մլն դոլար արժողությամբ շքեղ առանձնատան դռները: Ինչպես նշում է dailymail.co.uk-ը, Architectural Digest ամսագիրն իր մարտ ամսի համարում հրապարակել է զույգի լոսանջելեսյան տան լուսանկարները:
Հայտնի է, որ զույգն այստեղ է տեղափոխվել 2017թ.՝ չորս տարի տևած թանկարժեք վերանորոգումից հետո: Ամուսինների պնդմամբ՝ տունն այնպես է կառուցվել, որպեսզի իրենց չորս երեխաների համար հնարավորինս հարմարավետ լինի այնտեղ ապրելը:
«Տան դիզայնի և ճարտարապետության վերաբերյալ մեր տեսլականը հիմնված է ընտանիքի հարմարավետության գաղափարի վրա»,- պատմել է Ուեսթը:
Պարբերականը նկատում է, որ տունն ունի ֆուտուրիստական դիզայն և ամբողջովին ճերմակ ինտերիեր:
Հարցազրույցի ժամանակ Քարդաշյանը խոստովանել է, որ թեև շատ սիրում իրենց ահռելի լողավազանը, սակայն երբևէ դրանից չի օգտվել: Նա նաև բողոքել է, որ իրենց տանը ջակուզի չկա:
«Կարո՞ղ եք հավատալ, որ մենք ջակուզի չունենք: Ես որոշեցի դրանից հրաժարվել, քանի որ այն տարօրինակ տեսք ունի»,- պատմել է Քանյեն:
Նա նաև հավելել է, որ տանն իր ամենասիրած անկյուններից մեկը լոգասենյակն է: Քարդաշյանն իր հերթին նշել է, որ շատ է սիրում իրենց ընդարձակ լոգասենյակում «սելֆիներ» անել:
«Մեր լոգասենյակում լուսավորությունն այնքան լավն է, որ քողարկում է նույնիսկ ցելյուլիտը»,-խոստովանել է Քարդաշյանը:
