«Gucci»-ն կսկսի վճարել իր գովազդներում կենդանիներ նկարահանելու համար

«Gucci»-ն համագործակցություն է սկսում «Lion’s Share Fund» շահույթ չհետապնդող կազմակերպության հետ, որը հիմնադրվել է 2018 թվականի սեպտեմբերին և ղեկավարվում է ՄԱԿ-ի Զարգացման ծրագրի (ՄԱԶԾ) կողմից:

Ծրագրի նպատակն է հինգ տարվա ընթացքում մասնավոր սեկտորից հավաքել ավելի քան 100 միլիոն դոլար՝ կենդանիների պաշտպանության, կենսաբազմազանության պահպանման և կլիմայի փոփոխության դեմ պայքարի համար: Այդ նպատակով ընկերություններին առաջարկվում է իրենց մարքեթինգային բյուջեների 0.5% -ը նվիրաբերել հիմնադրամին, ամեն անգամ, երբ կենդանիները հայտնվում են իրենց գովազդներում: Շատ համաշխարհային ընկերություններ և ապրանքանիշեր աշխատում են «Lion’s Share Fund»- ի հետ, բայց «Gucci»- ն առաջինն է լյուքս նորաձևության աշխարհում: