Ծնվել է Աննա Կուրնիկովայի և Էնրիկե Իգլեսիասի երրորդ երեխան

Թենիսիստուհի Աննա Կուրնիկովան և երգիչ Էնրիկե Իգլեսիասը երրոդ անգամ ծնողներ են դարձել: Ինչպես հայտնում է Mirror-ը՝ երեխայի ծննդյան մասին լուրը հայտնել է Էնրիկեի եղբայրը՝ Խուլիո Իգլեսիաս կրտսերը։

Խուլիո կրտսերը, ի պատասխան ռադիոհաղորդավարի ակնարկին, որ ինքը շուտով հորեղբայր է դառնալու, հայտնել է, որ նա «արդեն հորեղբայր դարձել է»:

Էնրիկեի եղբայրը, սակայն, չի հայտնել երեխայի սեռը։

Կուրնիկովայի հղիության վերաբերյալ կասկածներն առաջացել էին դեռևս դեկտեմբերին, երբ պապարացիները Կուրնիկովային նկարել էին ընդարձակ բաճկոնով, որի տակից նկատվում էր կլորացված փորը։