Ռուսաստանաբնակ 27-ամյա բլոգեր Դավիթ Մանուկյանը, ով վերջին շրջանում ԶԼՄ-ների ուշադրության կենտրոնում էր հայտնվել ռուս երգչուհի և հաղորդավարուհի 34-ամյա Օլգա Բուզովայի հետ սիրավեպի պատճառով, խոսել է իր նոր տեսահոլովակի, սպասվող շրջագայության, ինպչես նաև իր և երգչուհու հարաբերությունների մասին, գրում է muz-tv.ru-ն:
Հարցազրույցի ընթացքում բլոգերը հայտնել է, որ աշխատում է սեփական երաժշտական նախագծի վրա: Նա պատրաստվում է թողարկել «Վերջին պար» երգը և տեսահոլովակը: Ըստ նրա՝ տեսահոլովակն ունի ինքնակենսագրական ենթատեքստ:
Մանուկյանը նախատեսում է Մոսկվայում կազմակերպել իր առաջին մենահամերգը, այնուհետև շրջագայել ամբողջ երկրով:
Հարցին, թե ինչպես զույգը կկարողանա համատեղել հարաբերությունները և ծանրաբեռնված գրաֆիկը, բլոգերը հստակ պատասխան չի տվել:
Այնուամենայնիվ, Դավիթը հայտնել է Օլգա Բուզովայի հետ ամուսնանալու մտադրության մասին:
Զույգի սիրավեպի մասին լուրեր վաղուց էին շրջանառվում: Օլգան այս խոսակցությունները հաստատեց տարեվերջին: «Որոշեցի «Պլան Բ»-ից անցում կատարել «Պլան Դ»-ի. նրա անունը Դավիթ է, և մենք միասին ենք ապրում»,- հայտարարել էր Բուզովան, ինչից հետո նրանք բավականին ակտիվ հրապարակումներ են անում իրար հետ:
