Նորվեգական A-ha տրիոյի Take On Me հայտնի երգի տեսահոլովակը դարձել է 80-ականներին թողարկված երկրորդ ստեղծագործությունը, որը 1 միլիարդից ավելի դիտում է ունեցել YouTube-ում:
Ինչպես ներկայացնում է CNN-ը, փոփ երաժիշտների հիթային կատարումը թողարկվել է 1985թ., իսկ տեսահոսթինգում հրապարակվել է 2010թթ.: Այնուհետև՝ 2020թ. փետրվարին տեսանյութի դիտումների քանակն արդեն գերազանցել է մեկ միլիարդը:
Խումբն այդ նորությունը հայտնել է իր թվիթերյան էջում: 1986թ. տեսանյութը MTV Music Awards-ի վեց մրցանակ է ստացել:
80-ականներին թողարկված մյուս տեսահոլովակը, որը մեկ միլիարդի շեմն անցել է, Guns N’ Roses’ խմբի Sweet Child O’ Mine երգն է, որը տեսահոսթինգում հրապարակվել է 2009թ.:
