Մադոննան համերգի ժամանակ ընկել է աթոռից և լաց եղել

Ամերիկացի երգչուհի Մադոննան Փարիզում իր ելույթի ժամանակ ընկել է աթոռից: Ինչպես հայտնում է Daily Mail-ը, կատարվածից հետո 61-ամյա փոփ աստղն արտասվել է։

Նշվում է, որ նրա համերգը տեղի է ունեցել փետրվարի 28-ին: Մադոննան պարային շարժումներ է անելիս եղել աթոռին և հանկարծակիորեն ընկել է: Բալետի պարուհիներից մեկն օգնել է երգչուհուն ոտքի կանգնել: Հանդիսատեսը նշել է, որ Մադոննան չի կարողացել զսպել արցունքները:

Ավելի վաղ հայտնի էր դարձել, որ Մադոննան ծնկի վնասվածք է ստացել, սակայն որոշել էր ելույթները չչեղարկել:

Madame X Tour համերգային շրջագայության շրջանակներում Մադոննան նախատեսել է հանդես գալ 79 համերգով: Առաջին համերգը կայացել է 2019-ի սեպտեմբերի 17-ին` Նյու Յորքում: Եզրափակիչ շոուն նախատեսված է 2020-ի մարտի 8-ին` Փարիզում։