Ամերիկացի հայտնի դերասան Ջոնի Դեփը, հնարավոր է, Disney կինոընկերության «Կարիբյան ծովի ծովահենները» ֆիլմի վեցերորդ մասում կրկին Նավապետ Ջեք Ճնճղուկի դերում հանդես գա, հայտնում է Daily Mail պարբերականը:
Կիրակի օրը հայտնի է դարձել, որ վերջերս Ջոնի Դեփի և նրա նախկին կնոջ` Էմբեր Հերդի միջև դատական «բացահայտումներից» հետո, Disney կինոընկերության գործադիր տնօրինությունը «բարեխոսել» է 56-ամյա դերասանի վերադարձի համար:
2016 թվականին լուրեր էին տարածվել, որ Հերդի` ֆիզիկական բռնության կիրառման վերաբերյալ Դեփի դեմ հանրային մեղադրանքներից հետո, կինոընկերությունը փորձել է այլևս սերտ հարաբերությունների մեջ չլինել դերասանի հետ:
Դեփն առաջին անգամ լեգենդար Նավապետ Ջեք Ճնճղուկի դերում հանդես է եկել 2001 թվականին («Կարիբյան ծովի ծովահենները. Սև մարգարտի անեծքը»):
Disney ընկերությունը դեռևս հոկտեմբեր ամսին էր հայտնել «Կարիբյան ծովի ծովահենները» ֆիլմի նոր մասի նկարահանումների ծրագրերի մասին: Նշվում է, որ սցենարի հեղինակներ կլինեն Թեդ Լիոթը և «Չեռնոբիլ» ֆիլմի սցենարիստ Քրեյգ Մեյզին: