Արմենիա TV-ի աստղերը խորհուրդ են տալիս՝ ինչպես պայքարել կորոնովիրուսի դեմ

Արմենիա TV-ին սկսել է նոր սոցիալական նախագիծ, հեռուստաընկերությունը ներկայացրել է հոլովակ, որը վիդեո-ուղեցույց է կորոնովիրուսից խուսափելու համար։

«Միասին հաղթենք վիրուսին» հոլովակում հեռուստաընկերության հայտնի հաղորդավարները, դերասանները հորդորում են պահպանել այն պարզ կաննոնները, որոնք կօգնեն պայքարել վարակի դեմ։

Վարդան Սարգսյանը, Նազենի Հովհաննիսյանը, Նարինե Սուլթանյանը, Դիանա Գրիգորյանը, Վահե Ղազարյանը, Վաչե Թովմասյանը, Սաթենիկ Հազարյանը, Մկրտիչ Արզումանյանը, Գրիգոր Դանիելյանը ներկայացնում են այն ամենը, ինչ պետք է իմանալ այս վիրուսից խուսափելու համար։ Հոլովակը ցուցադրվում է եթերում և տեղադրված է Արմենիա TV-ի սոցիալական էջերում (#զգոնԱրմենիա, #առողջԱրմենիա)։

Արմենիա TV- ում նկարահանումները շարունակվում են,  հեռուստադիտողները տանը մնալով կարող են դիտել հեռուստաընկերության հագեցած գարնանային եթերաշրջանի նոր նախագծերը։