Գաղտնիք չէ, որ հանրահայտ թենիսիստուհի Սերենա Ուիլյամսը Մեգան Մարքլի մտերիմ ընկերուհին է։ Ամուսնու՝ Ալեքսիս Օհանյանի հետ, նա Սասեքսի դքսի ու դքսուհու հարսանիքի հյուրերի շարքում էր։ Այնուամենայնիվ, երեկ Նաոմի Քեմփբելի և իր քրոջ՝ Վենուսի հետ ունեցած տեսազանգի ժամանակ մարզուհին ձևացրել է, որ առաջին անգամ է լսում դքսուհու մասին: Երբ մոդելը հարցրել է Սերենային, արդյո՞ք նա ուրախ է, որ իր ընկերուհին տեղափոխվել է ԱՄՆ, նա կատակել է և այսպես պատասխանել․
«Ես չգիտեմ, թե ինչի մասին եք խոսում: Ես ոչինչ չգիտեմ այդ մասին: Երբեք չեմ տեսել նրան, երբեք չեմ լսել նրա մասին, չգիտեմ նրան»։ Սա առաջին անգամ չէ, որ Սերենան հրաժարվում է Մեգանի հետ իրենց ընկերության մասին հարցերին պատասխանելուց: Լրատվամիջոցները հակված են այն տարբերակին, որ ընկերուհիների մեջ ոչ թե կոնֆլիկտ է եղել, այլ պարզապես հստակ պայմանավորվածություն, ըստ որի Սերենան չպետք է խոսի թագավորական ընտանիքի անդամների մասին ու մեկնաբանություններ տա Մեգանի ու Հարիի աղմկահարույց որոշման վերաբերյալ։