Աճուրդի կհանվի հանրահայտ The Beatles խմբի նախկին անդամներ Փոլ Մաքքարթնիի և Ռինգո Սթարի՝ նախկինում չհրապարակված երգը, որը աճուրդի կազմակերպիչները նախատեսում են վաճառել 25 հազար դոլարով, գրում է Daily Mail-ը։
Աճուրդավարների կարծիքով՝ «Ծպտված հրեշտակը» (Angel In Disguise) վերնագրով երգը միակն է, որ գրվել է բացառապես Փոլ Մաքքարթնիի և Ռինգո Սթարի համահեղինակությամբ:
The Beatles-ի նախկին աստղերը Ռինգո Սթարի Time Takes Time սոլո ալբոմի դեմո տարբերակը ձայնագրել են 1992-ին, սակայն այն չի հայտնվել ալբոմում։
Երգի ձայնասկավառակը, այլ իրերի հետ միասին, Omega Auctions-ը առցանց վաճառքի կհանի մայիսի 19-ին, իսկ հասույթի 25 տոկոսը կնվիրաբերվի Առողջապահության ազգային ծառայությանը կից բարեգործական կազմակերպություններին՝ Covid-19-ի դեմ պայքարի համար։
