Կորոնավիրուսի տարածման վտանգով պայմանավորված՝ Սիդնեյի կինոփառատոնը նույնպես, ինչպես բազմաթիվ այլ միջոցառումներ, կանցկացվի առցանց։ Այս մասին հայտնում է Variety կայքը՝ հղում անելով փառատոնի համակարգողի հայտարարությանը։
Ծրագրի մեջ ներառվելու են․
- ավստրալացի հեղինակների փաստավավերագրություններ,
- սկսնակ ռեժիսորների կարճամետրաժ ֆիլմեր,
- կին ռեժիսորների նկարած ֆիլմեր։
Տեխնիկական հարցերը, ըստ կազմակերպիչների, դեռ լուծվում են, և մայիսի վերջին հստակ ձևաչափը հայտնի կդառնա։ Իսկ բուն փառատոնը կանցկացվի հունիսի 10-21-ին։