«Չեմ հասկանում այն աղջիկներին, որոնք հրաժարվում են իրենց խնամելուց»․ Մադոննա Հարությունյանը դիմել է ավելորդ քաշ ունեցող մարդկանց

Ոճաբան Մադոննա Հարությունյանն Ինստագրամում իր հետևորդներին չի թողնում ձանձրանալ՝ պարբերաբար լուսանկարներ և տեսանյութեր հրապարակելով։
Վերջերս Մադոննան նաև նոր ֆոտոշարք էր ներկայացրել, որն արվել էր Սևանի լողափերից մեկում։ Օրերս ոճաբանը նոր գրառում է կատարել իր միկրոբլոգում՝ անդրադառնալով գեղեցկության մասին պատկերացումներին։
«Երբ հարցը հասնում է գեղեցկության մասին պատկերացումներին, աշխարհի կանայք բաժանվում են երկու մասի: Մի մասը բոդիպոզիտիվի հետևորդներն են, որոնք ասում են, որ պետք է ընդունես քեզ այնպիսին ինչպիսին կաս: Մյուս մասն էլ ծայրահեղ քննադատ է այն կանանց նկատմամբ, որոնք չեն հետևում իրենց արտաքինին: Մի կողմից՝ ոչ ոք իրավունք չունի դիմացինին ուղղորդելու իր մաշկաբանի մոտ՝ մաշկի թերությունները վերացնելու, երբ նրան չեն էլ խնդրում դրա մասին: Մյուս կողմից՝ չեմ հասկանում այն աղջիկներին, որոնք հրաժարվում են իրենց խնամելուց ու անդադար խոսում են, թե ոնց են իրենք իրենց ընդունել»,-ասում է Մադոննան և հավելում,-«Ես կողմնապահություն չեմ անում: Բայց ավելորդ քաշը և ակնեն ազդարարում են մեզ մեր առողջական խնդիրների մասին, որոնք լուծման կարիք ունեն: Եկեք մտածենք և զբաղվենք մեր մտավոր և ֆիզիկական առողջությամբ»: