Շվեյցարիայի Ժուի հովտում բացվել է երկար սպասված Audemars Piguet թանգարանը։ Ֆուտուրիստական շենքը պարուրաձև տեսքով բարդ ճարտարապետական կառույց է։
Audemars Piguet-ի առաջին թանգարանը բացվել է 1992 թվականին պատմական շենքում, որում 1875-ին Ժյուլ-Լուի Աուդեմարը և Էդվարդ-Օգոստին Պիգեն ստեղծեցին իրենց արտադրամասը: Այսօր արխիվային հավաքածուն ներառում է ավելի քան 1,5 հազար օրինակ ժամացույցներ, որոնք ստեղծվել են ինչպես Audemars Piguet-ի վարպետների, այնպես էլ Ժու հովտի անկախ ժամացույցագործների կողմից:
2004 թվականին տարածքը ընդլայնելուց հետո պարզ դարձավ, որ անհրաժեշտ է նոր թանգարան: Մրցույթը շահեց դանիական BIG (Bjarke Ingels Group) բյուրոյի նախագծը։ Բյարկե Ինգելսը, ավելի լավ քան մյուսները հասկացավ, թե ինչպես կարելի է համատեղել 19-րդ դարի համեստ քառահարկ շենքերն ու 21-րդ դարի ավանգարդ ցուցահանդեսային տարածքը՝ պատրաստված ապակուց և բետոնից:
Նոր թանգարան-ստուդիայի ձևավորման նախատիպը ժամացույցի պարույրն է։ Երկակի թեքությամբ մեխանիզմի հիմնական մասը դուրս է գալիս գետնից: Իր մակերեսին կանաչ խոտով գորգը շարունակում է հովտի լանդշաֆտը և միևնույն ժամանակ հարթեցնում ջերմաստիճանի և խոնավության տատանումները:
