«Ինձ հիանալի եմ զգում»․ Անդրեյ Ռազինը նիհարել է 43 կգ (տեսանյութ)

ՌԴ քաղաքական գործիչ, երգիչ և երաժշտական պրոդյուսեր, «Ласковый май» ստուդիայի հիմնադիր Անդրեյ Ռազինը կարողացել է ազատվել 43 կիլոգրամ ավելորդ քաշից։ Այս մասին նա պատմել է Ինստագրամում։

56-ամյա Ռազինը նշել է, որ դադարել է միս ուտել։ Ավելի վաղ նա կշռում էր 150 կգ, իսկ սննդակարգին հետևելուց հետո նրա քաշը 107 կգ է:

«Ես ծովատառեխի եմ անցել, ինչպես նաև թթու վարունգ, սոխ, սամիթ և այս ամենի արդյունքում շատ եմ նիհարել»,- ընդգծել է երգիչը:

Նա հավելել է, որ նիհարում է աստիճանաբար, որպեսզի «օրգանիզմին շոկի չենթարկի»։ «Ինձ հիանալի եմ զգում»,- հավելել է Ռազինը։