Քեթի Փերին հետաձգել է իր «Smile» ալբոմի թողարկումը

Քեթի Փերին երկու շաբաթով հետաձգել է իր «Smile» ալբոմի թողարկումը: Ի սկզբանե հայտարարված էր, որ փոփ-դիվայի 5-րդ ստուդիական ալբոմը լույս կտեսնի օգոստոսի 14-ին, սակայն նա օրերս հայտարարել է, որ ալբոմի թողարկման ամսաթիվը տեղափոխվել է օգոստոսի 28-ին:

Նշենք, որ 35-ամյա Քեթի Փերին և 43-ամյա Օրլանդո Բլումը պատրաստվում են իրենց ապագա երեխայի ծննդյանը։ Ավելի վաղ Փերին լրագրողների հետ զրույցում բացահայտել էր երեխայի սեռն ու հայտնել էր, որ իրենք շուտով դուստր են ունենալու։