2020 թվականի MTV Video Music Awards-ը (VMA) տեղի կունենա Նյու Յորքում՝ բացօթյա տարածքում, այլ ոչ թե Barclays Center-ում: Այս որոշումը կազմակերպիչները կայացրել են կորոնավիրուսային վարակի պատճառով, գրում է Deadline-ը։
«Առողջապահության մարմինների հետ սերտ խորհրդակցություններից հետո պարզ դարձավ, որ բացօթյա ներկայացումները` սահմանափակ լսարաններով կամ առանց դրա, կլինեն ավելի մատչելի և անվտանգ, քան փակ միջոցառումները»,- մեջբերում է MTV- ն:
Նշվում է, որ հաջորդ տարի ցուցադրությունը կվերադառնա Barclays Center:
2020 MTV վիդեո երաժշտության մրցանակաբաշխությունը տեղի կունենա օգոստոսի 30-ին: Այս տարի ամենաշատ՝ 9 անվանակարգերում առաջադրվել են ամերիկացի կատարողներ Արիանա Գրանդեն և Լեդի Գագան։ Նրանց հաջորդում են Բիլլի Այլիշը և The Weeknd- ը։ Յուրաքանչյուրն առաջադրվել է 6-ական անվանակարգերում։
