Թուրքական TRT հեռուստաալիքի հաղորդավարուհի Նիլգյուն Բալքաչը շոգ եղանակի պատճառով ուշաթափվել է ուղիղ եթերի ժամանակ: Այս մասին տեղեկացնում է «Միլլիյեթ» պարբերականը։
Հեռուստաընկերությունը Քոջաթեփեից հատուկ հաղորդում էր պատրաստել` նվիրված Թուրքիայի անկախության գործում մեծ դեր ունեցած Դումլուփընարի ճակատամարտում հաղթանակի 98-ամյակի կապակցությամբ:
4 ժամ շարունակ առանց ընդմիջման ուղիղ եթեր վարելու ժամանակ փորձառու հաղորդավարուհի Բալքաչը շոգի պատճառով ուշագնաց է եղել:
Ուշաթափվելուց առաջ նա ասել է, որ հաղորդումը վարում է չափազանց շոգ եղանակի պայմաններում:
Հաղորդավարուհուն տեղափոխել են հիվանդանոց, նրա վիճակն արդեն լավ է: