Ամերիկյան Keeping Up with the Kardashians ռեալիթի շոուի աստղ Քիմ Քարդաշյանը նախօրեին հայտարարել էր, որ շոուն 14 տարի հեռարձակվելուց հետո հրաժեշտ կտա հանդիսատեսին:
Այս կապակցությամբ Daily Mail-ը ներկայացրել է Քարդաշյան-Ջեններ ընտանիքի՝ տարիների ընթացքում արված լուսանկարները, որոնք ի ցույց են դնում՝ ինչպես են շոուի հեռարձակման ընթացքում փոխվել մասնակիցները:
Ինչպես նկատում է պարբերականը, թեև վերջին 14 տարիների ընթացքում «աստղային ընտանիքում շատ բան է փոխվել, սակայն ոչինչ այնքան չի փոխվել, որքան նրանց արտաքինը և ոճը»։
Ինչպես ավելի վաղ հայտնել էինք, նախօրեին Քիմ Քարդաշյանը Ինստագրամի իր էջում հայտնել էր ամերիկյան Keeping Up with the Kardashians ռեալիթի շոուի հրաժեշտ տալու մասին։ Նրա խոսքով՝ իր ընտանիքը դժվարությամբ է կայացրել այդ որոշումը։
Իր հաղորդագրության մեջ 39-ամյա իրապատում շոոի աստղը շնորհակալություն էր հայտնել «լավ և վատ ժամանակների, երջանկության, արցունքների, բազմաթիվ հարաբերությունների ամբողջ ընթացքում իրենց կողքին լինելու և իրենց հետևելու համար»։
«Անչափ շնորհակալ եմ բոլոր նրանց, ովքեր վերջին 14 անհավանական տարիների ընթացքում հետևել և աջակցել են ինձ և իմ ընտանիքին։ Այս շոուն մեզ դարձրել է այն, ինչ մենք կանք, և ես առհավետ պարտական եմ նրանց, ովքեր դեր են խաղացել մեր կարիերայի ձևավորման գործում և ընդմիշտ փոխել են մեր կյանքը»,- գրել է աստղը։
Քիմ Քարդաշյան
Քորթնի Քարդաշյան
Քլոյե Քարդաշյան
Քայլի Ջեներ
Քենդալ Ջեներ
Քրիս Ջեներ