Ինսայդերները շարունակում են կիսվել 32-ամյա Պավել Պրիլուչնիի և 34-ամյա Միրոսլավա Կարպովիչի հարաբերությունների նոր մանրամասներով: Նախկինում մամուլում տեղեկություններ էին հայտնվում այն մասին, որ նոր սիրեցյալն արդեն տեղափոխվել է դերասանի տուն, որտեղ նա ապրում էր իր նախկին կնոջ՝ 31-ամյա Ագաթա Մուցենիեցեի և նրանց երկու երեխաների հետ:
Ի դեպ, սիրահարները երկար չապրեցին Պրիլուչնի հին առանձնատանը: Վերջերս աստղային զույգի մտերիմները «KP» հրատարակությանը տված հարցազրույցում ասացին, որ Պավելն ու Միրոսլավան տեղափոխվել են նոր քառահարկ տուն, որը գտնվում է այն գյուղի մոտ, որտեղ դերասանն ապրում էր ընտանիքի հետ: Լուրեր են շրջանառվում, որ տեղափոխության պատճառով Պրիլուչնին նույնիսկ բաց է թողել «Кинотавр» ամենամյա փառատոնը, որն այս օրերին տեղի է ունենում Սոչիում:
«Պավելն այժմ ժամանակ չունի «Կինոտավրի» համար: Նա տեղափոխվել է նոր քառահարկ տուն` լողավազանով, բայց գրեթե առանց կահավորման»,- հայտնել են Պրիլուչնիին մոտ կանգնած մարդիկ: Ըստ ինսայդերների, Պավելն արդեն աճուրդի է հանել իր հին տունը: Միևնույն ժամանակ, այս պահին առանձնատունը գրավադրված է: «Պրիլուչնին դեռ ստիպված է մարել բնակելի տարածքի համար վարկը, որը մոտ 70 միլիոն ռուբլի է կազմում, իսկ գնման պահին տունն արժեր 180 միլիոն»,- հայտնել է գաղտնի մնալ ցանկացող աղբյուրը:
