73 տարեկանում վախճանվել է ամերիկացի դերասան և կատակերգու Դևիդ Լենդերը: Այս մասին հայտնում է Variety-ն՝ վկայակոչելով հանգուցյալի հարազատներին:
Մահը վրա է հասել դեկտեմբերի 4-ին։ Արտիստի մահվան պատճառ են դարձել ցրված սկլերոզի հետևանքով առաջացած բարդությունները։ Լենդերը հիվանդության դեմ պայքարում էր գրեթե քառասուն տարի։
Դերասանն ավելի քան 110 դեր է խաղացել կինոյում։ Մասնավորապես, նա նկարահանվել է «Լավերնա և Շիրլի», «Փոքրիկ վհուկի հավաքույթը», «Շատ սարսափելի կինո» ֆիլմերում։